لا تـعـيـد الـسـالـفـة فـــــــــات الأوان

انـتـهـى اللي بـيـنـنـا خـمـس السنين

لا الـزمـان اذكـرك فـيـه ولا الـمكـان

ولا الـيـسـار ألـقـاك درب ولا اليمين

انـتـقـلـت مـن الـكـيـان إلى الـلـسـان

من كـيـانـي فـي لـسـان الشـامـتـيـن

آنت عـمـرك لا تـصـون ولا تـصــان

آنـت لـعـبـه فـي يـديـن الـعـــابـثـيـن

ما شفع لك عــودك الـغـض الـلـيـان

والـمـعـنـق والـنـحـر والـحـاجـبـيـن

عـنـد ناس تـقـتـل أطـراف الأمــــان

وتـسـتـبـيـح الآمـنـيـن الـغـــافـلـيـن

في كهوف الرعـب تبحث عن حنان

وفي دهـاليـز العبث تطمع بالأمـيـن

آنت شوهـت الـغـرام مـع الـحـسـان

آنت وين وسـلـسـبـيـل الـحـب ويـن

ما تـزال طـفـل مـفـلـوت الـعـنــــان

جـاهـل تـضحـك بـك أفـواه السنـين

يـوم حسيت بـمـخـالـيـب الـزمــــان

وصار ينصب لك من اشباهك كمين

جـيـتـنـي خـايـف تـبـي بـــر الأمـان

تـحـمـل المـأساة والـجـرح الـدفـيـن

جـيـتـني تـبـغـى عـلى العودة ضمان

ذاك يـوم انـك بـخـفــــاقـي سـجـيـن

ما حـكـى بك فــــــلان ولا فــــــلان

ولا طـمــع بك لا خـفـيـف ولا رزين

أنـتـهي الـمـوضـوع واللي كان كان

لا تعـيــــــــده لـلـبـلـيـد ولـلـفـطـيـن

لا تـقـول أسـف بـعــد فـــات الأوان

انتهى اللي بـيـنـنـا خمس السـنـيـن