صحيح مـــــــــالي من محبتك مصلوح

ادري ولكن همت واشقيت حـــــــــالي

يا فــاقــــد الإحساس مجروح مجروح

وشلون في لحظه تحطم خيـــــــــــالي

سميت رفقتنا صــــــــــــداقات ومزوح

وبينت هجرك كل ماجـــــــــــــا مجالي

ظنيتها عشرة من الـــــروح للـــــروح

ولا هقيت إنك تخير بــــــــــــــــــــدالي

مانيب لك جسرٍ تخطــــــــــــاه وتروح

وما أرضي تهين النفس لو كنت غالي

وبيني وبين اللــــي تسلى بهم شـــوح

والعـــــــــــاذل اللي حاكيٍ لك حكى لي

طـــوّ الرحـــــــال وشدّ واقول مسموح

قلبٍ طلبك أوّل بيرفضك تـــــــــــــــالي

إلا إن رضيت تعـــــــــود للعقل وتبوح

ولي تعترف بانك بي تصير عــــــــالي