ابيك في كلمةٍ .. لو هي خطا .. تـغـفـر لي الــزله

وردتك ظامي .. وان عـزّ وصلك فاقـطـع حـبالي

احـبـك .. ذا تـــرى أول كـلامي .. واخـره  كـلـه

ولكن ويش يضر اليوم .. لو تـدري عن احــوالي

وخـذ ما جـاز لك من هالحـكي .. واللي تبي خـلـه

انا لا قـلت ما في خـاطـري .. والله مـا بـالـــــــي

ظلال العـاشق جـروحه .. ومن ما يـتـبـعـه ظـلـه

امانه يا شعاع الشمس .. لا تـغـضـب من ظـلالي

وتـقـدر تطوي الـدرب الـبعـيـد .. وتـقـدر تـفـلــّـه

ولكن صعب تمنع فالهوى .. صبري .. وترحالي

وتـقـدر تـغـمـد السـيـف الرهـيف .. وتـقـدر تـسله

ولـكـن عـنـد خـلاق الـبـريـه .. عـلـم الآجـــــالـي

متى عـمرك .. سمعـت بعـاشقٍ قـد مات من غـله

هـذاك الحـاسـد .. وراعي الهـوى تـتـلـفـه الامالي

حبيبي .. من يـعـزك .. فالهوى ما تـقـدر تـذلـــــه

ترى قـربك يزيد بالغـــــلا.. وان عـفـتـني غــالي