احبك .. آه  أنا يا ليت قـلـبي من سحـاب .. ونـور

كـريـم .. مثل بوح الـنـظرة اللي تـسكـن أهـدابـك

أحبك .. وش بقى مني .. حطام العاشق المغـرور

وما ظن الزمان اللي مضى .. يرجـع من اسبابك

ولا كن صدقيني .. الصدق في هذا الزمان شعور

يحـبـك.. من صدق لك مـرةٍ .. ما هـمـه اعـتـابك

أمانه لاتـصـبـيـن العـمـر في كـاسـي الـمـكـســور

يضيـع العمر .. ما يـبـقى سـوى الإبهـام وأنـيـابك

ترى ماهو قصيدةٍ لك .. كـتـبها شـاعـر مـشـهـور

و لا هـو وردةٍ يـذبـل ورقـهـا داخــــل .. كـتـابـك

ولا هـو ضحكةٍ صـفـرا ..عـلى شـفـاهٍ موات بور

ومــلامح صورةٍ تـخـفـيـنـهـا..حتى عـن اصحابك

ألا يا طفلتي ما هو(الهوى) ..ها الشارع المهجور

ولا هــو ريحة غـبار الوعــد .. في آسفــل ثـيابك

كذب من قال.. زهر العاطفة ينبت في ظل السور

وجبان .. الي يخاف الناس .. لو وقـف على بابك

كتب لك كثر ما في الحب من عذب الكلام سطور

ولا كـنـه نـسـي يا طـفـلـتي .. لا يـكـتـب كـتـابـك