كـل  أرضٍ تشيلك .. يا ثقـــيل .. الحمول

وكـل وقـتٍ كــــريمٍ بالرضا والزعـــــــــل

وين  مارحت تلقى لك .. حبيب.. وعـذول

ويـن مـا كنت تلقى مثل .. ياسك..أمــــــل

يـاطريق الـترجي والـــولــــــــــه والنحول

والله إنـي مـشيتك.. لـين حــــــــــد ..الثمل

مـالقيت فوصولي لغير قبري .. وصـــول

ولا  عرفت فحياتي مثل عرفي .. الجـهل

لا  تـظن المسافر من يسوق .. الرحــول

مـن وقف دون حلمه؛؛عاجزٍ ما .. رحــل

وما  لمخلوق منجا في الحذر .. والجفول

مـا  تصيب السهام ولا يطيش .. الاجــل

الـليالي خـوات .. مير منهي البـتــــــــول؟

والـحوادث  عشاير مير وين .. الفحــل؟

لـيلةٍ لـك ؛؛وليله؛؛ بالفرح ما .. تطــــول

ولـيلةٍ  مـن شهــــدها ذب راس .. الجبل

أتـذكّر  في عين الشمس طفـــلٍ .. خجول

شـالته فـي هــــــــدبها وقت لين .. إشتعل

أعجب الناس وهجه بالجدل .. والفضول

ما دروا عن (جمال الجرح) لين إندمـــــل

والله  انـي كتبته في العطش .. والذبـــول

لـين  غـصنه تعدل بالورق .. وإعــتــدل

والله  إنـي كـتبته لـين قــــــــــــال الجهول

والله  إنـي كـتبته وانـتشى .. واحـتـفـــــل

ما أتفه الشعر كانه هالحكي اللي..نقــول

لا تـعدى الـمديح ولا تـعـــدى .. الغــزل

إن  لثمت الزهور وصاحبتني ..الحقول

ماهقيت  ان صافي الشهد عيب ..النحـل

مـابقى في ضلوعي كود ريح ..معمـول

وثـوب  شاشٍ عليه من الندامه  ..وحل

ألـتـفـت  لـلطريق ومـا عبر منه .. زول

فـي جـفوني تزاحم عبرتي .. والوجل

طـلت  يـالعمر والا قلعتك لا .. تطـول

طـاولتنا  الـليالي بـالسهر .. والـمــــــلل

إن  تـعبنا نـحب ولا لـقينا .. قـبـــــول

مـا  تـسر الامـاني؛؛ولا يفيد .. العــذل

لـكن الله كـريم وكـل هـــــــــــــمٍ يـزول

مـا عـلى الله بعيد؛؛ولا جفاك .. المحل

كـل  أرضٍ تشيلك ؛؛يا ثقيل ..الحمول

وكـل وقـتٍ كـريمٍ بالرضا والزعـــــــل