سمرت بصحبة حروف القوافي

احـمـلـهـا تـنـاهيتٍ خــــــــوافي

اشكل بالحـروف ألــوان صوره

أحركها من المعـنى بصــــــافي

 اشيل الحـرف من معنى لمعنى

واداري ما ظهر واظهر بخـافي

والى مني عـطيت الحـرف ونـّه

بها حـرفي على النجمات طافي

يـقـوم كـل نجــــــــــمٍ من منامه

انا ماني بسامر نجــــم غـــــافي

يجيني كل نجـــــــــمٍ منه معـنى

ولا قـد قـلت للنجمات كـــــــافي

تصور لي دموعٍ وابـتـســــــامه

من عيونٍ تـقـصوت ما تـشـافي

الا يا نجــــــــم يا عــالي تبصر

شـف بعين المحبه عـيـن وافــي

وخبرني عـن عـلومه وحـــــاله

عـسى قـلبه مع الأشـــواق دافي

ولو ممشاي في جـمـرٍ يـفـيــــده

مشيت بجمرها كنه عـــــــوافي

ولكن وش يـفـيـده لـو ذبحـــنـي

ومن يوصف جماله عـقب قافي