اسـتـكـثـرك وقـتي عـليه وغــدا بـك

عـادة زمـاني كـل ما طـاب هــــوّن

ليت الـذي وداك يـا زيـــن جــابــك

تـشـوف عـقـبـك كـيـف الايام سـوّن

شرقٍ مشيت وغرب وقتي مشى بك

والـقـلـب ماله لايـــمٍ فـيـك لــــو وّن

عـقـب الهنا بك ذقـت لـوعة غـيابك

تـلـونـت دنـيــــــــاه ولا تـــــــــلـوّن

طـويـتـنـي طي الـورق في كـــتـابك

حتى مـعـالـيـق الـحـشـا لـك تـطـوّن

اشـتـقـت لأيام الـهـوى فـي جـنـابـك

يوم الشموع بليل الأحــبـــاب ضوّن

واشـتـقـت اقـول لـهاتـفـك مرحبا بك

واشـتـقـت لغـيـوم الصحاري تـكـوّن

عـود ترى داعـي الهوى عـنـد بابك

وارو الـقـلـوب اللي بـعـد مــا تروّن

غـنـيـت لك عـمـري ولا جـاجـوابك

واسـمي مع مـجـنـون لـيـلى تـــدوّن