سـتـل جـنـاحـه ثـم حـام يرقى على متن الهوى

يـزفـه بـعـيـدٍ وأنـا مـحـدود فـي حــــد الـنـظـر

له بالهوى شف ومرام يلعب مع الغيمة ســوى

ولا جناحٍ لي وطير والأرض صارت لي مقـر

طيري ضرب جــو الهيام ولو دعيته ما التوى

عـزي لمن طيره غـدا ولا لـــه من أمـره مـفـر

فكري تغـشاه العسام أمسيت وفكري ما ضوى

الأرض قـفـر من الونس الليل من فـرحي قـفـر

شبيت ضوي بالظلام في صحصحٍ ذيبه عـوى

مالي أنـيـس إلا النجـوم أو نور وضاح الـقـمـر

خالي وكـني في زحـام قـلـبي تـلهب وأنـشـوى

ما عاد أمـيـز بالحـشا وآلا على الـضـو الجـمر

وين آنت يا داعـي سلام وين آنت يا بايع دوى

ردوا لي الـنـومه ترى بالـعـيـن جـلاد الـسـهـر

دورت بالـشـّدة حـزام ولا لـقـيـت الـلـي قــوى

يالله دخـيـلـك ما لـقـيـت اللي نـشِـد به الـظـهـر