موتي ارحـــم ولا عيشة حـــــيــاة مغبون

مكـرمه للنفوس اللي تـعـــــــــاف المهونه

والله إنـــــي أروم الـنـفـس وأمـنـعـك دون

لين شفت الذي للصبر حــرك سـكــــــونه

جيت أدورك في نفسي لـقـيـت الـظـنـــون

اشغلتني اعـرف اللي هـــدفـــكـــــم تبونه

جيت أدورك فـي صحـوي لقيت الـعـيـون

حلمها فيك غــــايه .. وصل صدق ترونه

جيت أدورك في عـقـلـي تـعـــدى الجنون

جـن يا كيف بالمجنون حـبـك يـخــونـــــه

جيت أدورك في عمري رخص لك يهون

جف وقـتـك وجــــاك العمر تمطر مزونه

جيت أدورك في لـيـلي لـقـيـتـك حـــنــون

مد له عـساك تعـيـش لـي دوم عــــــــونه

جيت أدورك في فـنـّي لـقـيـتـك شــجـــون

اجــمـــل اللحـــن في فـنـّي تمثـلت لـــونه

جيت أدورك بالـدنـيـــا لـقـيـتـك تـكـــــون

اثمن اللي ملكته في حـــــيـــاتـــي أصونه