ذكرتك والزمان غروب ذكرتك والمكان الشـط بالصدفه

ذكرتك والعيون تذوب دمع من حنيني ماستر خـــــــافي

ذكرتك يوم شفت الشمس غابت والقمر ينساب من شرفه

ذكرتك والنجوم تلون لحاف السماء وتعاتب الجــــــــافي

ذكرتك نصف قلبي هـــم شوق وهـــم حبك ماخـذ نصفه

ذكرتك كل مافيني حنين ودمعـتين وكـفي الــــــــــــدافي

ذكرتك ما ذكرت الى عيونك والجبين و كل ما اعــــرفه

ذكرتك مانسيت الى جروحي والانين ودمعي الصــــافي

انا اول عزاي اني حملت العاشق الي مانسى حـــــــلـفـه

وانا اخـر عـزاي انك نسيتيني وانا طيفك مــعـي وافـــي

تلوم الى تـفانى في طريق مالقى في اخـــره ولــــــــــفـه

الى منه بكى كل الندم في حجر عينه غـصب يـنـشــافـي

اروح ولا طرت حنيت مثل مضيع يركض عـلى حـتـفـه

ولا ناديتها كسر حنيني جوف صدري مثل مجـــــــدافي

يبيك الي عـيونه ماقوت تحمل قـليل من بعض عـطـــفـه

يبيك الى مشالك او مشابك او مشى في سكتك حــــــافي

يبيك الي اذا شافـك تـلـعـثـم بالكلام وينصعب وصـــــفـه

يبيك الي يشوفك شمس والدنيا ظلام ودفتره طـــــــــافي

انا قلت ازعلي خليني اشوف الحنين وش مــدى نـــزفـه

انا ماقلت خليني اقـــول من الوفــاء يالله ياكــــــــــــافـي

اموت وما اعود اتذكرك والمشكله طيفك مـــلا الـغــرفه

واموت وما اعود انساك ياحبي الـقـديـم الصادق الـوافي