كنت احسب اني عرفت الحب قبل اعـرفـك

وعـشقت قبل اعشقك واشتقت قـبل التـقـيـك

وكنت احسب اني لقيت احباب قبل اوصلك

واثـري توهمت فـي غـيـرك وانا كنت ابيك

تـعال نـعطش وتـشربني وانـا اشـــــــــربك

تـعال قـبل الــوعــــد اجـلـس معي نحتريك

تـعال شـفـني وانـا اسـتـناك كــــــــم اشبهك

يطري عـلي الف راي و راي واحـتار فيك

اجـي مـكان الـوعـــــــد والا اسـبقه انطرك

والا آخـذ الـموعــــــد الـلي يحتريك واجيك

يـا آخـــــــــر الـحب ذقـت الحـب فـي اولك

ويـا اول الشــوق اقصى الشــوق ما ينتهيك

عـلمتني كـيف اعـرفـك لين صرت اجـهلك

ضـيعـتـني فـي مـتاهــــاتـك وكنت ارتجيك

حـبـيب الاحـــــــلام يـابـعـدك ويـامـقـربـك

حـــــــرام يـكفي تـبعـثـرني وانـا احـتـويـك

ان شـفـتـك بـحـلـم صـدقـتـه وانـا اتــوهمك

وان شـفتـك بــعـلـم كـذبـتـه الـين انـتـشـيـك

اخـاف اغـمض عـيـوني وان رمشت افقدك

واخـاف افـتح وتـصبح حـــــلـم ولا التـقـيك