لا تـلمس الجرح يا مـعـود وصبح عـزوم

الـبرد فـتـق ضـلـوعـي وانت دوار صيت

ضيعت عمري اطاول في حزومي رجوم

وايست اباقـــول كل الشعر في شطر بيت

لا الـوقت وقـتي ولا حـلومي تطيع وتـنوم

ولا الركايب وحادي العيس ترضيه لـيـت

ذهـايب الـذود راحـت مـع ذواهـيـب قــوم

لا صـار لك الف قــوماني فـلك الـف بيت

ترى اصعب الموت موت يذبحك كل يوم

واصعب حـياتـك تعيش وانت جواك ميت

اواه يـا طـول عـمـري لا حسبت الـهـموم

يـا كـني اكبر من الـــدنـيـا ولا قــد شكيت

عـلمك دهـاني يا لاقــي خير خـــل العلوم

اسرجت صفرا من همومي عليها حــديت

واطـلقت للـبـيـد راحـلـتي وفـــوق النجوم

راسي وانا كل راســـي تيه فـخـر وهميت

واقـــــــــول للي يـبي كـرامـتـي لا تـهـوم

لا انـته ولا الـف مثـلك يــــهـدم اللي بنيت